Rusia lëshoi më shumë se 440 dronë dhe 32 raketa kundër Ukrainës gjatë natës, tha Presidenti ukrainas Volodymyr Zelensky, duke e quajtur atë "një nga sulmet më të tmerrshme".
Sipas autoriteteve ukrainase, të paktën 14 persona u vranë në sulmet ruse në Kiev.
"Ne jemi në kontakt me të gjithë partnerët në të gjitha nivelet për të siguruar një përgjigje të përshtatshme. Janë terroristët ata që duhet ta ndiejnë dhimbjen, jo civilët e pafajshëm", tha Zelensky përmes një postimi në platformën X, ku publikoi edhe një video.
Pak ditë më parë, kreu i komandës ushtarake të Kievit, Timur Tkachenko, kishte theksuar se vetëm kryeqyteti ukrainas ishte shënjestër e 175 dronëve rusë, të paktën 14 raketave kruiz dhe të paktën dy raketave balistike
Nga ana e tij, shefi i shtabit të Zelensky-t, Andriy Yermak, kritikoi mungesën e një “përgjigjeje adekuate” nga bota e civilizuar ndaj sulmeve të Rusisë.
“Një shtet që zotëron armë bërthamore mund të vrasë thjesht civilë në pallate, të refuzojë një armëpushim dhe nuk do të ketë përgjigje adekuate nga bota e civilizuar. Pse? Dhe sa civilë dhe fëmijë të tjerë duhet të vdesin?” pyeti Yermak në Telegram. Ministri i Jashtëm ukrainas.
