Globi

Izraeli urdhëron ekipin negociator të rifillojë bisedimet për armëpushim në Gaza

Shkruar nga Liberale

Izraeli urdhëron ekipin negociator të rifillojë bisedimet

Qeveria izraelite ka urdhëruar delegacionin negociues që të vazhdojë bisedimet për sigurimin e armëpushimit në Rripin e Gazës dhe për arritjen e marrëveshjes për shkëmbimin e pengjeve.

Sipas lajmit të televizionit shtetëror izraelit KAN, kabineti i luftës ka mbajtur dje një mbledhje që ka zgjatur rreth pesë orë.

Në takim, kabineti i luftës urdhëroi ekipin negociues që të vazhdojë negociatat për sigurimin e armëpushimit në Rripin e Gazës dhe rikthimin e pengjeve izraelite.

Vendimi, detajet e të cilit nuk u zbuluan dhe për të cilin thuhet se u mor me konsensusin e anëtarëve të kabinetit, përfshin udhëzime për dakordim me Hamasin për pikat e mosmarrëveshjes dhe këmbënguljen e Izraelit për shumë çështje.

Kreu i Byrosë Politike të Hamasit, Ismail Haniyeh më 6 maj njoftoi Katarin dhe Egjiptin se ka miratuar propozimet e tyre për armëpushim në Rripin e Gazës.

Pasi Hamasi njoftoi se ka miratuar “propozimet për armëpushim” të dërguara nga Katari dhe Egjipti, Kabineti izraelit i Luftës vendosi të vazhdojë sulmet në Rafah.

Ushtria izraelite në një deklaratë më 6 maj kërkoi evakuimin e disa lagjeve në lindje të Rafahut, ku janë strehuar palestinezët e zhvendosur me forcë ndërsa mëngjesin e 7 majit ushtria izraelite filloi ofensivë tokësore në Rafah të Gazës dhe njoftoi se ka marrë nën kontroll pikën kufitare me Egjiptin në anën e Gazës.

Liberale Newsroom

Poll
SHQIPENGLISH