Izraeli po mbyll ambasadat e tij në të gjithë botën dhe po u bën thirrje qytetarëve izraelitë të qëndrojnë vigjilentë dhe të mos shfaqin simbole hebraike ose izraelite në vende publike.
Kështu njoftoi sot Ministria e Jashtme izraelite dhe ambasadat izraelite, pas nisjes së sulmeve në shkallë të gjerë nga Izraeli ndaj Iranit.
"Misionet izraelite në të gjithë botën do të mbyllen dhe shërbimet konsullore nuk do të ofrohen", tha Ministria e Jashtme izraelite për Times of Israel. Nuk specifikoi se për sa kohë do të qëndronin të mbyllura misionet diplomatike.
Izraelitëve u kërkohet të bashkëpunojnë me shërbimet lokale të sigurisë nëse hasin aktivitet armiqësor.
