Shqiptari i cili grabiti rezidencën e futbollistit Raheem Sterling duke e detyruar atë të ktheheshe në shtëpi nga Kupa e Botës 2022, është dënuar me 13 vite burg.
Emiliano Krosi, 24 vjeç, kreu 33 vjedhje, duke përfshirë bastisjen e rezidencës së yllit anglez më 3 dhjetor 2022.
I riu përdori një shkallë në kopshtin e pasmë për t’u ngjitur në dritaren e dhomës së gjumit të Sterling dhe vodhi dhjetë nga orët e tij Rolex. Rreth 300 mijë paund zbukurime u morën gjithashtu nga shtëpia e futbollistit.
Sipas medieve të huaja, Krosi, i cili udhëtoi ilegalisht drejt Britanisë së Madhe në pjesën e pasme të një kamioni, ka pranuar më parë se është përfshirë në 15 vjedhje.
Një ditë më parë në gjykatën e kurorës në Guilford, gjyqtarja Catherine Hartley vendosi se ai ishte i përfshirë në 18 vjedhjet e mbetura, duke e dënuar me 12 vite e 10 muaj heqje lirie.
Policia e Surrey vazhdon të gjurmojë babanë e tij Alfred Isufi, 48 vjeç, xhaxhain Henri Osman, 44 vjeç dhe kushëririn 22-vjeçar Gerard Kalaja, të cilët besohet se të gjithë janë arratisur nga Mbretëria e Bashkuar.
Ata dyshohet se janë pjesë e bandës që bastisi shtëpi në të gjithë qarqet e vendit nga nëntori 2022 deri në mars 2023. Pre e vjedhjes ra dhe ish-lojtari i Crystal Palace, Scott Dann dhe lojtari i Chelseat, Marc Cucurella.
