Sekretari amerikan i shtetit, Antony Blinken, ka uruar kryeministrin e Kosovës, Albin Kurti, për fitoren në zgjedhje dhe formimin e qeverisë.
Në një letër, kryediplomati i Shteteve të Bashkuara i ofron mbështetje dhe bashkëpunim në forcimin e sovranitetit dhe pavarësisë.
Blinken përsëriti mbështetjen për dialogun e ndërmjetësuar nga Bashkimit Europian. “Sigurimi i një marrëveshjeje gjithëpërfshirëse për normalizim me Serbinë, e përqendruar në njohjen e ndërsjellë është thelbësore për Kosovën që të arrijë potencialin e saj të plotë dhe të ecë përpara në rrugën drejt anëtarësimit në BE”, shkruan sekretari amerikan I shtetit në letrën për Kurtin.
Gjithashtu përshëndeti angazhimet e kryeministrit për luftimin e korrupsionit, fuqizimin e sundimit të ligjit dhe rimëkëmbjen nga pandemia Covid-19.