Lajmi për ndarjen e Britney Spears dhe Sam Asghari u bë i ditur të enjten e 17 gushtit.

Ylli i popit amerikan 41-vjeçar dhe modeli 29-vjeçar i fitnesit u ndanë pas një sherri të madh për tradhtinë e këngëtares, sipas raportimeve të huaja.

Në një postim të parë në Instagram pas bërjes publike të ndarjes, ish-bashkëshorti i Britney Spears tha: “Pas 6 vitesh dashuri dhe përkushtim ndaj njëri-tjetrit, unë dhe gruaja ime kemi vendosur t'i japim fund rrugëtimit tonë së bashku. Ne do të ruajmë dashurinë dhe respektin që kemi për njëri-tjetrin dhe i uroj asaj gjithmonë të mirat. Të kërkosh privatësi duket qesharake, kështu që do t'iu kërkoja të gjithëve, dhe mediave, të jenë të sjellshëm dhe të vëmendshëm."

Burime pranë çiftit zbuluan se ata u grindën keq pas një thashethemi se Britney Spears e kishte tradhtuar atë, ndërsa një burim tha se Asghari ishte larguar nga shtëpia e tyre dhe jetonte vetëm.

Çifti filloi romancën e tyre në tetor 2016 pasi u takuan në xhirimet e një videoklipi, u martuan në qershor 2022 dhe festuan përvjetorin e parë të martesës dy muaj më parë.

Britney Spears u shfaq e patrazuar në mediat sociale pas paraqitjes së pretenduar të divorcit të bashkëshortit të saj Sam Asghari. Në postimin e saj të parë në Instagram që nga lajmi për ndarjen e tyre, superylli i popit zbuloi se ka në plan të blejë një kalë.

Në foto ajo shihet duke hipur mbi një kalë kafe në plazh, ndërsa i buzëqesh kamerës.

“Së shpejti do të blej një kalë!!! Kaq shumë zgjedhje është disi e vështirë!!! Një kalë me emrin Sophie dhe një tjetër me emrin Roar???? nuk mund te vendos!!! A duhet të bashkohem me shoqërinë dhe të vendos një kapele rozë kauboj???? Gjithsesi, mendoj se e gjeta pikën time të ëmbël me Roar”, ka shkruar ajo në mbishkrimin e postimit.