Evi Kokalari u bë e njohur për publikun në Shqipëri, kur iu bashkua Foltores së Berishës për të mbrojtur pak vite më parë ish-kryeministrin nga shpallja ‘non grata’, në SHBA. Por u zhgënjye shpejt dhe u largua sërish në SHBA nga ku po mban qëndrime të ashpra ndaj PD-së së Berishës. Ajo është e angazhuar politikisht dhe është pjesë e fushatës së Donald Trump në ShBA.
“Do ti vij dita dhe Shqipërisë! Opozita që mbahet peng dhe feston Trump-in sot, është pengesa kryesore e ndryshimit radikal dhe mëse të nevojshme në atë vend” - shkruan Evi Kokalari.
“Por do t’ju vij rradha dhe juve së shpejti. Mos kini asnjë dyshim për këtë” - duke kërcënuar mbështetësit e Barishës se shumë shpejt rrezikojnë të mos jenë më as në opozitë.
Evi Kokalari ka reaguar ashpër ndaj qëndrimit që ka mbajtur një prej prezantuesve të Foltores së Berishës, Mariela Shkurta, me të cilën ajo tri vite më parë ka qenë pjesë e stafit të fushatës kudo nëpër Shqipëri.
“Don’t you fcking dare! DONT!”
“Berisha e provoi tashmë që është i korruptuar. Jeni të pacipë se si keni vjedhur demokratët dhe mbështetesit tuaj.”
“Ju s’keni asgje të përbashkët me Trump apo demokracinë që triumfoi mbrëmë në Amerikë. Ju demokracinë e mbani peng!!” i shkruan Kokalari e irrituar në reagim. Janë të shumtë përkrahësit e Berishës, të cilët po frymëzohen nga Trump dhe kërkojnë të njëjtin rikthim me fitore edhe nga lideri i PD në Shqipëri.
Liberale.al
