Ekonomi

Rritet me 4% çmimi i naftës, ja arsyeja!

Shkruar nga Liberale

Rritet me 4% çmimi i naftës, ja arsyeja!

Çmimet e naftës u rritën me 4 për qind pasi Shtetet e Bashkuara të Amerikës dhe Britania e Madhe nisën sulmet në Jemen lidhur me sulmet e fundit nga rebelët Houthi mbi anijet në Detin e Kuq, shkruan BBC të premten.

Nafta e papërpunuar Brent arriti në 80 dollarë për fuçi për herë të parë këtë vit pasi rebelët e mbështetur nga Irani u zotuan të hakmerren kundër veprimeve ushtarake nga fuqitë perëndimore.

Brent Crude – standardi ndërkombëtar për çmimet e naftës për pjesën më të madhe të botës – arriti në 80.55 dollarë për fuçi ndërsa nafta e papërpunuar e Teksasit Perëndimor të SHBA-së u rrit me 2.71 për qind në 74.73 dollarë.
Pavarësisht rritjes, çmimi është nën nivelet e arritura kur Rusia pushtoi Ukrainën.

Por qeveria britanike ka frikë se nëse përhapet ndërprerja në trafikun e mallrave, energjia mund ta marrë një tjetër goditje.

Sipas BBC-së, qeveria në Britani ka përgatitur skenarët në rast të rritjes së çmimeve të naftës.

Liberale Newsroom

Poll
SHQIPENGLISH