Aktualitet

Pas takimit me Glover, Basha: Ja si të dalim nga kriza

Shkruar nga Liberale

Kreu i Partisë Demokratike, Lulzim Basha ka folur pas takimit me shefene misionit të OSBE/ODIHR Audrey Glover.

Në një postim në Facebook, ai shkruan se i ka shprehur asaj vlerësimin për kontributin e vazhdueshëm të ODIHR për proceset zgjedhore në Shqipëri.

Ndërsa theksoi se "Reforma zgjedhore është vendimtare për ne dhe e vetmja rrugë për të dalë nga kjo krizë".

"Me drejtuesen e misionit të OSBE/ODHIR, ambasadoren Audrey Glover. I shpreha asaj vlerësimin për kontributin e vazhdueshëm të ODIHR për proceset zgjedhore në Shqipëri .

Reforma zgjedhore është vendimtare për ne dhe e vetmja rrugë për të dalë nga kjo krizë. T’ua hedhësh fajin të tjerëve është gjëja më e thjeshtë por nuk arrin askund! Ndaj ne duhet të besojmë dhe punojmë fort për ta realizuar këtë reformë. Opozita ka një strategji të qartë dhe është momenti për ta zbatuar pa humbur kohë!

Të gjithëve na takon të punojmë pa u lodhur për të ndërtuar një të ardhme më të mirë për fëmijët tanë.

Një të ardhme ku të kemi një qeveri me të vërtetë të njerëzve, të zgjedhur nga njerëzit dhe që punon vetëm për njerëzit!", shkruan Basha. /Gazeta Liberale

Liberale Newsroom

Poll
SHQIPENGLISH