Pas komenteve intensive dhe komenteve negative për filtrat që përdor në rrjetet sociale, Madonna vendosi t'u tregojë fansave fytyrën e saj pa make up dhe shtesa të panevojshme.
Mbretëresha e popit postoi një video në llogarinë e saj personale në TikTok, në të cilën ajo shihet e veshur me një rrjetë peshku të gjelbër dhe shikon veten në kamerë.
Në atë moment ajo dëgjohet duke thënë: “O Zot, pse e bëre këtë?”, duke iu referuar imazhit të fytyrës së saj. Madonna në videon e përmendur duket e “ënjtur”, ndërsa fytyra e saj ka disa shenja të kuqe, të cilat duken si njolla.
Të gjithë po pyesin se çfarë saktësisht e ka “prekur” këngëtaren në fytyrën e saj, që duket kaq e çuditshme. Kirurgët nga jashtë kanë folur së fundmi për Page Six dhe pasi kanë “studuar” imazhet e saj, ata shpjegojnë se çfarë operacionesh mund të ketë bërë ylli.
“Kur pashë për herë të parë botimin, si shumë të tjerë, u befasova nga pamja e tij”, tha Dr. Ehsan Ali, CEO i Beverly Hills Concierge Doctor and Urgent Care, përpara se të shtojë se mund të dallohen rreth nëntë procedura në fytyrën e saj.
“Ajo padyshim që ka bërë një ngritje të fytyrës, lëkura e saj është e tendosur dhe e shtrënguar, pa varje apo rrudha. Një ngritje e fytyrës ndryshon edhe formën e syve të Madonna-s, ata janë tërhequr lart. Gjithashtu, ajo patjetër ka bërë një rinoplastikë. Hunda e saj duket shumë e ngushtë me një majë të mprehtë. Për të mos përmendur Botox-in”, thotë Dr. Ehsan Ali.
Madje ajo ka shpjeguar se botoksi që ka bërë dëshmohet nga “rrudhat inekzistente të shprehjes në fytyrë”. “Ajo ka ngatërruar edhe mollëzat e saj, ndoshta ka pasur mbushje hialuronik. Duken krejtësisht ndryshe dhe bien në sy”, thotë ai.
Dr. Pamela Weinberger nga Plump Cosmetics and Injectables në Miami pajtohet se ylli i popit ka pasur trajtime me injeksione në mollëzat e saj dhe vëren se përdorimi i tepërt i mbushësit me kalimin e kohës mund të jetë ajo që i jep Madonës një pamje "të panatyrshme".
Duke llogaritur koston e operacioneve të mësipërme, kirurgët plastikë vlerësojnë se Madonna duhet të ketë shpenzuar rreth 30 mijë dollarë për të “korrigjuar” imazhin e saj./Liberale.al
