Ed Sheeran ka zbuluar se varri i tij është gati dhe ndodhet brenda kapelës private dykatëshe me vlerë 5.5 milionë dollarë në oborrin e shtëpisë së tij. “Nuk do të thosha se është një kriptë ”, tha ylli i popit 32-vjeçar në një intervistë për ‘GQ Hype’, duke sqaruar se në fakt është më shumë një kishëz.

"Është një gropë që është hapur në tokë me ndonjë gur sipër, kështu që kur të vijë dita dhe të vdes, do të shkoj të hyj atje," tha ai.

Sheeran tha se ndërsa kishëza po ndërtohej, ai mendoi se do të ishte mirë që vajzat e tij, Lyra Antarctica 3-vjeçare dhe Jupiteri 1-vjeçar, të mund ta vizitonin atje kur të vinte dita.

"Njerëzit mendojnë se është shumë e çuditshme dhe shumë makabre, por unë kisha miq që vdiqën pa testament dhe askush nuk dinte se çfarë të bënte," shtoi ai.

Këngëtari fitues i Grammy-t ndërtoi kapelën në shtëpinë e tij pasi gruaja e tij, Cheri Seaborn, u diagnostikua me një tumor në vitin 2022 dhe shoku i tij më i mirë, Jamal Edwards, vdiq nga një mbidozë droge në moshën 31-vjeçare.

Sheeran tha gjithashtu se ai e përdor kishëzën për të vajtuar të dashurit që kanë vdekur, përfshirë gjyshen e tij, funeralin e së cilës së fundmi iu desh të humbiste për shkak të një padie për të drejtat e autorit në Nju Jork.

Mirëpo, vendi nuk është vetëm për raste të trishta pasi këngëtari aty ka organizuar edhe dasma të miqve./Liberale.al