Autorja koreano-jugore Han Kang është nderuar me Çmimin Nobel në Letërsi për vitin 2024, lidhur "prozën e saj intensive poetike që përballet me traumat historike dhe ekspozon brishtësinë e jetës njerëzore".
Han Kang ka lindur në vitin 1970 në Gwangju, Koreja e Jugut dhe u transferua në Seul në moshën 10-vjeçare. Ajo studioi Letërsi Koreane në Universitetin Yonsei. Si krijuese u shfaq për herë të parë para publikut në vitin 1993 me pesë poezi. Një vit më pas, ajo fitoi konkursin debutues të gazetës "Seul Shinmun" ku edhe publikonte artikujt letrarë, me tregimin "Ankaraja e Kuqe".
Koleksioni i saj i parë me tregime të shkurtra të Yosu u botua në vitin 1995. Romani Vegjetariane (2007) i solli asaj famë mbarëbotërore, pasi përkthimi në anglisht (2015) u vlerësua me Çmimin Ndërkombëtar Booker 2016.
Ajo ka botuar gjithashtu përmbledhjet e tregimeve të shkurtra "Fruti i gruas sime"(2000) dhe "Salamander zjarri" (2012), si dhe romanet "Dreri i Zi" (1998), "Duart e Tua të Ftohta" (2002), "Era Fryn", Shko (2010), Mësime Greke (2011) , Veprime Njerëzore (2014). ), "Libri i bardhë" (2016) dhe "Nuk harroj" (2021). Ajo jeton në kryeqytetin e Koresë së Jugut dhe është profesoreshë në Departamentin e Shkrimit Kreativ të Institutit të Arteve të qytetit.
Në vitin 2011, publikoi një përmbledhje me tregime të shkurtra me titull "Mësimi grek", një përshkrim magjepsës i marrëdhënies së jashtëzakonshme midis dy individëve të pambrojtur.
Një e re, e cila, pas një sërë përvojash traumatike, ka humbur fuqinë e të folurit, lidhet me mësuesin e saj të greqishtes së lashtë, i cili gjithashtu po humbet shikimin. Nga dobësitë e secilit prej tyre, zhvillohet një lidhje e brishtë dashurie. Libri është një meditim i bukur mbi humbjen, intimitetin dhe interpretim blrilant gjuhësor./ Liberale.al
