Globi

Po shikonte Spanjë-Itali, grabitësit hyjnë dhe vjedhin shtëpinë e ish-futbollistit! Për kë bëhrt fjalë?

Shkruar nga Liberale

Po shikonte Spanjë-Itali, grabitësit hyjnë dhe vjedhin

Të enjten mbrëmë, Roberto Baggio dhe familja e tij kanë rënë pre e një grabitje të dhunshme.

Ngjarja ka ndodhur teksa po ndiqnin ndeshjen Itali-Spanjë të vlefshme për Kampionatin Europian të Futbollit që po luhej në Gjermani. Makthi për legjendën italiane filloi rreth orës 22:00 kur një bandë prej të paktën pesë personash, të gjithë të armatosur, hynë në vilën e ish-futbollistit në Altavilla Vicentina.

Sapo hajdutët kanë hyrë në shtëpi, 57-vjeçari ka tentuar të përballet me njërin prej tyre dhe pas një përleshjeje shumë të shkurtër, grabitësi e ka goditur me qytën e armës në ballë, duke i shkaktuar një plagë të thellë. Më pas ai dhe anëtarët e familjes ishin mbyllur në një dhomë për 40 minuta.

Ndërkohë, kriminelët përmbysnin çdo dhomë, duke vjedhur orë, bizhuteri dhe para. Kur futbollisti kuptoi se grabitësit ishin larguar, ka thyer derën dhe ka lajmëruar policinë.

57-vjeçri u dërgua në urgjencën në Arzignano, ku u trajtua me disa qepje në ballë.

Liberale Newsroom

Poll
SHQIPENGLISH