Një kallamar "gjigant", është zbuluar i gjallë për herë të parë në Oqeanin Atlantik, një shekull pasi u identifikua për herë të parë.
Mesonychoteuthis hamiltoni, i cili mund të arrijë shtatë metra gjatësi dhe peshon një ton, u pa pranë Ishujve Sandwich në Oqeanin Atlantik të Veriut.
Sipas ekspertëve, kallamari i regjistruar është i ri, pasi gjatësia e tij arrin vetëm 30 centimetra.
Imazhet u regjistruan nga një ekip ndërkombëtar studiuesish dhe shkencëtarësh që morën pjesë në një mision të Institutit Oqean Schmidt.
Siç raporton Guardian, kallamari i rrallë u kap nga një kamera në mjetin pa pilot SuBastian, si pjesë e një misioni 35-ditor për të identifikuar forma të reja të jetës detare.
Deri vonë, ky kallamar, trupi i të cilit është transparent si qelqi kur është i ri, gjendej vetëm në stomakun e balenave dhe zogjve të detit.
Kjo specie njihet dhe dallohet nga grepa të mprehta në skajet e tentakulave të saj.
