Të paktën 62 persona kanë humbur jetën gjatë natës në Gaza si pasojë e sulmeve ajrore nga ushtria izraelite. Goditjet u përqendruan në jug të territorit, duke prekur nëntë zona të ndryshme, ku më shumë viktima u shënuan në qytetin Kan Junis.
Në pjesën veriore të Gazës, Izraeli ka urdhëruar evakuimin e banorëve duke paralajmëruar sulme intensive. Ndërkohë, bllokada ndaj ndihmave humanitare vazhdon, dhe asnjë furnizim nuk është lejuar të hyjë në Gaza për 10 javë rresht.
Qytetarët në enklavën e rrethuar po përballen me uri dhe mungesë të gjithçkaje bazë. Organizatat e ndihmave paralajmërojnë për një krizë të thellë humanitare që po përkeqësohet çdo ditë.
Ndër objektivat e bombardimeve kanë qenë edhe spitalet. Dy prej tyre janë goditur brenda një dite, duke shkaktuar viktima mes pacientëve dhe njerëzve që ishin strehuar aty.
