Bashkëqeverisje me PS? Bylykbashi: Kompromis politik në rast nevoje

Oerd Bylykbashi thotë se, opozita do të ndjekë strategji dhe taktikë elektorale për të marrë sa më shumë vota në zgjedhje dhe t’i përkthejë ato në mandate.

Për çështjen e përzgjedhjes së kandidatëve, Bylykbashi pranoi që mund të jenë bërë dhe gabime por ka ende kohë tha ai për të “ndrequr” këtë me vendimin përfundimtar nga Kryesia dhe Këshilli Kombëtar.

Bylykbashi duke bërë një parashikim për atë që do të ndodhë pas 25 prillit, theksoi se vendi ka nevojë t’i rikthehet normalitetit, duke u shprehur i gatshëm për të bërë kompromis politik me Ramën në rast nevoje.

“Pas zgjedhjeve të 25 prillit përveç reformave dhe goditjes së korrupsionit, Shqipëria duhet të hyjë në një holli normaliteti. Asgjë që është e turbullt nuk ndihmon në integrimin e vendit. Do të jemi qeveria që do t’i qëndrojmë ndarjes së pushteteve, ligjeve, mirëqeverisjes dhe Kushtetutës. Do të bëjmë kompromis politik po qe e nevojshme por qeverisje me Edi Ramën jo”, përfundoi ai.

Tags: bashkeqeverisje me ps, kompromis politik, oerd bylykbashi, PD