Një aksident me vdekje ka ndodhur pak para mesnate në aksin rrugor Milot-Morinë.
Policia bën me dije se një makinë tip Benz ka dalë nga rruga dhe si pasojë ka humbur jetën shoferi, 50 vjeç dhe pasagjeri, 35-vjeç.
Njoftimi i policisë:
Rreth orës 23:35, të datës 01.04.2025, në autostradën Milot-Morinë, automjeti tip “Benz” ”, i drejtuar nga shtetasi A.K., 50 vjeç, banues në Tiranë, ka dalë nga rruga.
Si pasojë ka humbur jetën drejtuesi i automjetit si dhe pasagjeri që ndodhej në automjet, shtetasi F.Gj., 35 vjeç, banues në Kukës.
Grupi hetimor po punon për zbardhjen e plotë të rrethanave dhe shkakut të daljes nga rruga të automjetit.
