Banori i BBVA, Gjesti ka shpërthyer në një debat të ashpër me Rozana Radin, pas informacionit që G Bani solli nga jashtë, ku u përfol se ai dhe Egli Takon kishin pasur marrëdhënie.
Ai u nervozua shumë me këngëtaren, pasi ishte ajo që kishte përmendur këtë rast para banorëve të tjerë.
Mes të tjerash Gjesti e akuzoi Rozanën për manipulim dhe përpjekje për ta nxjerrë Egli në një dritë të keqe.
Ai e quajti manipuluese dhe e pyeti se kush ishte ajo për të cënuar moralin e një vajze, duke e sfiduar ta shikonte në sy dhe t’i përgjigjej për veprimet e saj.
"Edhe nëse ka bërë, ka bërë për vete. A je nëna e saj, a je halla e madhe. Kush je ti?"- iu drejtua Gjesti- Rozanës.
Ai shtoi se ishte e pafytyrë dhe se duhej të ndalonte me këto gjeste, ndërkohë që Rozana kërkoi që ai të largohej dhe mohoi të gjitha akuzat që i ishin drejtuar asaj.
