Kelly i ka dhënë fund rrugëtimit në “Big Brother VIP 4” mbrëmjen e djeshme, duke u eliminuar nga gara për çmimin e madh. Pas më shumë se 40 ditësh në shtëpinë më të famshme, Kelly është larguar nga “Big Brother” si banori më pak i votuar nga publiku në televotimin: kë doni të shpëtoni?
Kelly ishte në nominim me gjithë pjesën tjetër të shtëpisë. Pas eliminimit, ai u përcoll me duartokitje nga banorët te dera e kuqe.
Lidhur me televotimin, në faqen tonë të Web-it, ne ngritëm një sondazh ku pyesim lexuesit tanë se cilin banor mendonin ata se do të linte shtëpinë. Përgjigjet ishin këto: 41% kanë menduar se do të dilte Kelly, 18% kanë menduar për Jozin, ndërkohë Danja ka marrë 15% të votave, Egli 10%, Loredana 10%, Aldo 5%. Por sondazhi nxjerr edhe emrat favoritë. Gerta, Gjesti, Laerti dhe Rozana rezultojnë me 0%, çka do të thotë se janë favoritë për në finale.
