Katy Perry ka rikthyer fansat e saj me albumin e ri “143”, ku kënga “Truth” ka tërhequr vëmendjen më të madhe. Teksti i kësaj kënge duket se përmban mesazhe të fshehta dhe aludime për ndarjen e saj nga aktori Orlando Bloom, me të cilin ka qenë e lidhur për gati një dekadë.

Në fjalët e këngës, Katy shpreh ndjenja të forta zhgënjimi dhe dyshimi, duke përmendur situata që duken si shenja të mungesës së besimit në marrëdhënien e tyre. Ajo thotë: “Dua ta di të vërtetën, edhe nëse më dhemb” dhe “Intuita ime më thotë se diçka nuk shkon”, duke treguar për një tension të brendshëm dhe dyshime që e kanë shqetësuar.

Ndërsa kënga vazhdon, këngëtarja tregon se dhimbja e saj është kthyer në forcë: “Shikohem në pasqyrë, shoh dikë të qetë dhe të fortë”, duke treguar për një transformim personal pas një periudhe të vështirë.

Fansat e Katy Perry në rrjetet sociale shpejt lidhën këngën me ndarjen e saj nga Orlando Bloom dhe shprehën kuriozitet e tyre për arsyet e vërteta pas kësaj.Katy Perry dhe Orlando Bloom njoftuan ndarjen pas gjashtë vitesh fejesë, duke mbajtur marrëdhënie miqësore, sidomos për hir të vajzës së tyre katërvjeçare, Daisy. Por, megjithatë, kënga “Truth” duket se tregon anën emocionale më të thellë të kësaj ndarjeje dhe dhimbjen që ajo solli.