Ditën e tërbimit, Mia ishte me një mik, i cili më pas u gjet i vdekur në enklavën palestineze

Mia Schem, një ish-peng i Hamasit, dha intervistën e saj të parë për transmetuesin izraelit Channel 13. Robëria e saj përfundoi më 30 nëntor, 55 ditë pasi ajo u rrëmbye nga terroristët në Festivalin  Nova , në Izraelin jugor. Artistja e re e tatuazheve i kujton me shumë dhimbje ato momente: "Dua të hedh dritë mbi situatën reale të njerëzve që jetojnë në Gaza, kush janë ata në të vërtetë - tha ajo -, por edhe mbi atë që kam kaluar atje".

20-vjeçarja më tej tha se “këto janë familje nën regjimin e Hamasit. Kuptova që ishte një familje. Dhe pastaj fillova t'i bëja vetes pyetje: Pse ka fëmijë këtu? Pse ka një grua këtu?'

Fytyra e franko-izraelites u bë e njohur që kur u shfaq në videon e parë të pengjeve të publikuar nga Hamasi. Në atë video ajo pretendonte se ishte trajtuar mirë: deklarata në kontrast me dëshmitë e pengjeve të tjera, por edhe me atë që ajo vetë tha më vonë në intervistën e fundit. Në fakt, Mia u përball me burgun në Gaza, teksa ishte e plagosur në krah gjatë sulmit terrorist dhe u operua nga një veteriner sepse dhimbja ishte bërë e padurueshme.

E reja, e ndjekur nga rreth 180 mijë persona në Instagram, është mjaft aktive në rrjetet sociale, ku vazhdon të luftojë për lirinë e pengjeve të tjerë. Ditën e tërbimit, Mia ishte me një mik,  Elia Toledano , i cili fillimisht u rrëmbye dhe më pas u gjet i vdekur në enklavën palestineze.