Globi

" Putini më mori gjysmën e zemrës", Yulia Navalnaya e vendosur për "t'u hakmarrë" 

Shkruar nga Liberale

" Putini më mori gjysmën e zemrës", Yulia

Një pikë referimi për ditën e nesërme të opozitës ndaj regjimit të Vladimir Putin,  mund të jetë dhe fjalimi i Yulia Navalnaya, e veja e Alexei Navalny.

Një grua që deri vonë preferonte të ishte nën hijen e bashkëshortit të saj kur bëhet fjalë për përfshirjen aktive në politikë, por tani duket se ajo ka vendosur që, në emër të Alekseit të vdekur dhe trashëgimisë së tij intelektuale/ideologjike, ajo duhet të marrë një rol udhëheqës.

Në një video të shkurtër të postuar në rrjetet sociale të hënën, më 19 shkurt 2024, Yulia Navalnaya përsërit se burri i saj u vra, duke paguar me jetën e tij urrejtjen e tmerrshme të Putinit ndaj tij. 

Siç thekson Navalnaya,  presidenti Putin nuk ka qenë në gjendje të heshtë rivalin e tij më të madh politik brenda Rusisë, apo edhe të përkulet, megjithë persekutimin e tij të vazhdueshëm dhe të pamëshirshëm, burgosjen dhe tentativën për vrasje me helm, të cilat, pretendohet se janë kryer nga agjentë sekretë në Urdhërat e Putinit.

“Duke vrarë Alexein, Putini më mori edhe gjysmën e jetës sime, gjysmën e zemrës dhe gjysmën e shpirtit tim”, është deklarata zemërthyese, por plot kokëfortësi dhe forcë e Navalnaya. 

Por ajo deklaron se “çfarëdo që më mori Putini duke vrarë burrin tim, unë kam ende gjysmën tjetër të vetes. Kjo më thotë se nuk kam të drejtë të tërhiqem”.

Liberale Newsroom

Poll
SHQIPENGLISH