Udhëheqësi suprem i Iranit Ayatollah Ali Khamenei pohoi sot se "regjimi sionist" pësoi një disfatë të pariparueshme ushtarake dhe inteligjente me sulmin e militantëve të Hamasit. Khamenei mohoi se vendi i tij qëndron pas sulmit të Hamasit, ndërsa përsëriti mbështetjen e Iranit ndaj Palestinës. “Përkrahësit e regjimit sionist dhe të tjerë kanë qarkulluar në dy ose tre ditët e fundit thashetheme, duke përfshirë se pas këtij veprimi qëndron Irani Islamik. Ato janë false”, theksoi Khamenei në një fjalim që mbajti në një akademi ushtarake. Në fjalimin e tij të parë televiziv pas sulmit, Ajatollah deklaroi: "Ne puthim duart e atyre që planifikuan sulmin ndaj regjimit sionist".

فرمانده کل قوا در مراسم مشترک دانش‌آموختگی دانشجویان نیروهای مسلح: ما دست و بازوی طراحان مدبر و هوشمند و جوانان فلسطینی را میبوسیم. آنها که می‌گویند حماسه اخیر کار غیر فلسطینی‌ها است دچار محاسبه غلط شده‌اند. pic.twitter.com/a8mJ6LIIqH

— خبرگزاری میزان (@MizanNewsAgency) October 10, 2023

Macron: Komentet e Iranit janë të papranueshme Presidenti francez Emmanuel Macron ka kritikuar qëndrimin e Iranit, udhëheqësi suprem i të cilit deklaroi se puthte duart e të gjithë atyre që nisën sulmin ndaj Izraelit. “Nuk kam asnjë koment për të bërë për përfshirjen e drejtpërdrejtë të Iranit për të cilën nuk kemi prova zyrtare, por është e qartë se komentet publike nga autoritetet iraniane ishin të papranueshme. Dhe se ka të ngjarë që Hamasit t'i ofrohet ndihmë, "tha ai Reuters. “Por unë do të jem i kujdesshëm në këtë pikë derisa të kemi stabilizuar inteligjencën”, shtoi Macron në një konferencë shtypi me kancelarin gjerman Olaf Scholz./Liberale.al