Ish-kryebashkiaku i Shkodrës, Bardh Spahia është paraqitur në Gjykatën e Posaçme mëngjesin e sotëm.
Spahiaka hyrë në amientet e gjykatës rreth orës 09:00, i shoqëruar nga avokati i tij, për të marrë pjesë në një seancë paraprake.
Spahia është marrë zyrtarisht i pandehur nga SPAK pasi akuzohet për “Shpërdorim Detyre”. Ai u kallëzua në SPAK në vitin 2022 nga Mark Molla, ish-drejtues i Ujësjellës-Kanalizimeve në Shkodër, për shkarkim nga detyra në shkelje të ligjit dhe emërimin në vend të tij të një anëtari të FRPD-së.
Bardh Spahia mori detyrën e kreut të Bashkisë Shkodrës pas fitores në zgjedhjet e pjesshme të 6 marsit 2022 me Partinë Demokratike. Mandati i tij përfundoi në vitin 2023, ku u zhvilluan zgjedhjet e radhës për kryetar bashkie.
