Një konflikt për motive pronësie ka ndodhur mes dy familjeve në Ksamil. Nga burime jo zyrtare mësohet për 3 persona të plagosur.
Korespondentja e Panorama raporton se në vendngjarje kanë shkuar efektivë të policisë së Sarandës dhe një grup i FNSH.
Mësohet se janë shoqëruar dy persona në Komisariatin e Sarandës, ndërkohë që 3 të plagosurit janë duke marrë mjekim në spitalin e qytetit bregdetar.
Sipas burimeve dy familjet janë konfliktuar me thika dhe mjete të forta. Policia po vazhdon hetimet.
