Aktualitet

Rusia rrëzon me veto rezolutën e Shqipërisë dhe SHBA për aneksimin e 4 rajoneve ukrainase

Shkruar nga Liberale
Rusia rrëzon me veto rezolutën e Shqipërisë dhe SHBA

Rusia i ka vendosur veton rezolutës së Këshillit të Sigurimit të OKB-së që dënon referendumet e mbështetura nga Moska për të aneksuar territoret e pushtuara të Ukrainës.

10 anëtarët e mbetur të Këshillit të Sigurimit votuan pro rezolutës së hartuar nga SHBA dhe Shqipëria, ndërsa Kina, India, Brazili dhe Gaboni abstenuan.

“Rrezoluta dënon referendumet e paligjshme. Ajo u bën thirrje të gjitha shteteve të mos njohin ndryshim të territorit të Ukrainës dhe kërkon që Rusia të tërheqë menjëherë trupat nga Ukraina”, shprehet ambasadorja e SHBA, Linda Thomas Greenfield.

"Votimi tregoi se Rusia kurrë nuk ka dashur paqe e dialog dhe se gjithçka ka dashur ishte një pjesë e territorit të Ukrainës që tashmë e quan të vetën", tha Albana Dautllari, zv/ambasadore e Shqipërisë në OKB.

Presidenti rus Vladimir Putin më herët shpalli aneksimin e katër rajoneve të Ukrainës, Donetsk, Luhansk, Zaporizhzhia dhe Kherson në kundërshtim me ligjin ndërkombëtar.

Referendumet janë dënuar gjerësisht nga komuniteti ndërkombëtar, me vendet evropiane dhe SHBA që thonë se ato nuk do të njihen.

Liberale Newsroom

Poll
SHQIPENGLISH