Vazhdon saga e lajmeve për shqiptarin që u arrestua në Athinë dy ditë më parë, pasi u plagos nga një oficere policie. Informacione të reja dalin për 30-vjeçarin e vetëquajtur "Esko", i cili ishte koka e bandave të rrezikshme të vjedhjeve dhe grabitjeve në kryeqytetin helen.

Miti që ai kishte ndërtuar gjatë pesë viteve të fundit rreth emrit të tij, e lejoi të rekrutonte dhe kontrollonte të rinjtë me një histori dhune, si dhe ish të burgosur, duke krijuar kështu një rrjet labirint organizatash.

Nuk është rastësi që tre banditë shqiptarë që ndodheshin rreth tij, ishin liruar nga burgu një vit më parë, pas gati dhjetë vitesh burg, për pjesëmarrje në bandën e egër të përdhunuesve, që vepronin në periferitë jugore. Një pjesë e madhe e sulmeve me grabitje dhe trafikut të drogës, e kishte origjinën nga rezidencat e studentëve.

Por ajo që paraqet shumë interes janë punët e mëdha të 30-vjeçarit shqiptar, pasi po hetohet mundësia që ai të jetë pronar i vërtetë i të paktën tre bizneseve në Athinë.

Zbulimi nga Nëndrejtoria e Sigurimit të Athinë i bandave që e kishin shndërruar Universitetin Politeknik në një fole kriminelësh mizorë, do të zbardhë një sërë grabitjesh dhe veprimesh të tjera kriminale të pazbardhura edhe sot e kësaj dite.

Hapi i parë në këtë drejtim janë rezultatet e testeve balistike mbi armët e gjetura. Me fjalë të tjera, të vërtetohet nëse dhe në cilat vepra penale është përdorur.

Hapi i dytë është hapja e celularëve të personave të përfshirë, pasi nga të dhënat dhe kontaktet do të gjenden, thotë policia, anëtarë të panjohur të grupeve kriminale, por edhe persona të tjerë me të cilët kanë pasur transaksione, kryesisht në ato që ka të bëjë me marrëveshjet me trafikun e drogës.

Në të njëjtën kohë po hetohen edhe kontaktet e oficeres 22-vjeçare në repartin Zografou, që “dogji” dy ​​operacione, duke u dhënë informacion bandave nëpërmjet partnerit të saj shqiptar. Po shqyrtohet mundësia që persona të tjerë të jenë të përfshirë në “shërbimin inteligjent” të organizatave kriminale, si dhe të kenë armë të rënda të fshehura në ambiente të tjerë të Universitetit Politeknik./Përshtati Liberale.al