Nga viti 2022 drejtuesit e mjeteve në Shqipëri do të kenë mundësi të vendosin në makinë targa të personalizuara. Sipas një vendimi të qeverisë, targa do të përmbajë deri në shtatë karaktere.
Për herë të parë nga viti i ardhshëm do të jenë në dispozicion edhe targa më të vogla për pjesën e përparme të automjetit, për ato makina që nuk kanë hapësirë mjaftueshëm.
Ato mjete që nuk kanë hapësirën e duhur për formatin standard për targën e pasme, do të kenë mundësi të vendosin format targe amerikane. Për të gjitha këto shërbime, duhen paguar tarifa ekstra.
