Komisioni Qendror i Zgjedhjeve miratoi dje rezultatin e zgjedhjeve të 25 prillit, për partitë dhe kandidatët në të gjithë qarqet, ndërsa kreu i opozitës deklaroi betejë.
Partitë politike kanë pesë ditë kohë për të ankimuar rezultatin, ndërsa PD po mbledh çdo ditë fakte e dokumente mbi manipulimin dhe shitblerjen e votës dhe LSI e lajmëroi se do ta ankimojë në KQZ, të paktën në pesë qarqe.
Kreu i KQZ-së, Celibashi do t’u bënte thirrje partive të analizonin fletët e pavlefshme, mbi 83 mijë syresh, për të kuptuar më thellë shkaqet, para se ato të asgjësohen sipas procedurës.
“Detyra jonë është të qëndrojmë fort dhe të luftojmë fort për rikthimin e demokracisë në vend i cili është një nga kushtet kryesore që bëri të mundur anëtarësimin e Shqipërisë në NATO dhe është një kusht i patejkalueshëm për të avancuar drejt asaj që kemi premtuar dhe do të bëjmë realitet me gjithë shqiptarët anëtarësimin e Shqipërisë në Bashkimin Europian”, ka deklaruar kryedemokrati në këtë dalje të dytë të tij pas zgjedhjeve të 25 prillit.
Për më tepër lexoni Gazetën Liberale, print ose online!
