Një tjetër tërmet goditi Shqipërinë mbrëmjen e djeshme, me epiqendër në pikën e nxehtë të dy netëve më parë, që riktheu makthin në Tiranë dhe në disa qytete të tjera të vendit.
Tërmeti i fundit që u shoqërua me lëkundje ishte me magnitudë 4,8 ballë.
Tërmeti me madhësi 5.2 i dy netëve më parë raportohet se ka shkaktuar dëme të konsiderueshme dhe ekspertët shpresojnë që ai të ketë qenë më i madhi, pasi është shoqëruar me dhjetëra pasgoditje, që do të thotë se energjia e akumuluar po shkarkohet.
Tërmeti i mbrëmjes së djeshme ka ndodhur 27 kilometra në verilindje të Tiranës në Shqipëri dhe magnituda e tërmetit ka qenë 3,9 gradë sipas shkallës Rihter. Prej 10 orësh në vendin tonë të dhënat e EMSC tregojnë se nuk është regjistruar asnjë tërmet, në Shqipëri.
Por harta e Europës shfaq zonën e Ballkanit, përfshirë edhe Italinë përtej Adriatikut, si një ndër zonat më të nxehta sizmike.
Tërmeti i fundit në Shqipëri mund të ketë shkaktuar vetëm dëme të vogla materiale në zonën epiqendrore. Dhe lëkundjet e fundit janë ndjerë në Dibër dhe pjesë të tjera të Maqedonisë perëndimore.
/Liberale.al/
