Një aksident i rëndë trafiku që ndodhi më 24 korrik 2025 ka sjellë pasoja tragjike, pasi një fëmijë ndër gjashtë të lënduarit ka ndërruar jetë.
Sipas raportit 24-orësh të Policisë së Kosovës, aksidenti ndodhi mes dy automjeteve, ku njëri drejtues ishte shtetas i huaj dhe tjetri kosovar. Përveç dëmeve materiale, gjashtë persona tre gra dhe tre burra u plagosën dhe u dërguan për trajtim mjekësor.
Fatkeqësisht, mjeku kujdestar konfirmoi vdekjen e fëmijës, i cili më pas u dërgua për obduksion në Institutin e Mjekësisë Ligjore, me urdhër të prokurorit.
Policia vazhdon hetimet për zbardhjen e plotë të rrethanave të aksidentit.
