Një familje nga Tirana po përballet me një situatë të rëndë, pasi djali i tyre, Dorjan Hysa, është diagnostikuar me leuçemi akute dhe ndodhet i shtruar në QSUT, duke luftuar për jetën.
Të afërmit bëjnë thirrje për ndihmë urgjente nga qytetarët për dhurim gjaku, duke theksuar se çdo grup gjaku është i mirëpritur, pasi sasia kompensohet.
Dhurimi i gjakut bëhet tek Banka e Gjakut, pediatria e vjetër, me emrin e pacientit Dorjan Hysa.
Familja falënderon paraprakisht të gjithë ata që do t’i përgjigjen thirrjes, duke e quajtur këtë ndihmë “të paçmueshme në një moment të vështirë për jetën e Dorjanit”.
