Prej tre ditësh, News24 televizioni nuk është meë në televizorët e shqiptarëve, kjo pas ndërprerjes së sinjalit si pasojë e bllokimit të godinës ku vepronin News24, BalkanWeb, Panorama, si dhe Gazeta Shqiptare.
Gazetarët dhe punonjës të tjerë të medias protestuan sot para godinës si akt revolte dhe rezistence ndaj asaj që po u ndodh, sipas tyre padrejtësisht.
Me pankarta në duar: "Mos e fikni të vërtetën", "liria e medias nuk është negociatë", "Mbyllja e sinjalit, mbyllja e gojës", ata kërkojnë drejtësi dhe kthimin në funksion të medies.
