Kryeministri Edi Rama ka ndarë mëngjesin e sotëm një mesazh në rrjetet sociale, duke vënë theksin te angazhimi i shtuar i strukturave shtetërore në Velipojë për të garantuar siguri dhe rend gjatë sezonit turistik.
Ai ka theksuar se kontrolli i hapësirave publike dhe administrimi i zonave bregdetare po bëhet me përkushtim të përditshëm në të gjithë bregdetin shqiptar, me qëllim ofrimin e një sezoni sa më të rregullt për pushuesit.
Nga pamjet e shpërndara, shfaqen forcat e Policisë në aksion për lirimin e hapësirave të zëna në mënyrë të paligjshme.
“Mirëmëngjes ???? dhe me Velipojën ku është përditë e lartë gatishmëria për të garantuar hapësirat publike e një sezon turistik sa më të sigurt e të rregullt në çdo cep të bregdetit tonë, ju uroj një ditë të mbarë”, shkroi kreu i qeverisë.
