Qeveria nis zyrtarisht pushimet. Ndryshe nga çfarë pati paralajmëruar, kryeministri Edi Rama, nuk i ka zyrtarizuar emrat e rinj të kabinetit, pas fitores së arritur më 11 maj 2025.
Kjo për arsye, ndoshta të dilemave të shumta.
Edhe pse u njoftua si një mbledhje pune, kryeministri Edi Rama u ka komunikuar ministrave të tij se mbledhja e radhës do të jetë në fund të gushtit, dhe nga ky moment mund të nisin pushimet.
Pas një muaji pritet të mësohen edhe emrat e rinj të qeverisë dhe ministrat që do të marrin dhe një mandat tjetër.
Gjatë kësaj kohe, Rama ka kërkuar efikasitet nga puna e ministrave, duke u kërkuar monitorim në terren të aksionit për lirimin e hapësirave publike, apo asaj që Rama e ka quajtur reformë për zhvillimin e territorit.
Nuk kanë munguar herë pas here kritikat, ndërsa vetëm në fund të gushtit do të mësohet se si kanë performuar dhe sa e kanë bindur Ramën për të marrë edhe një mandat tjetër.
Po ashtu, kreu i qeverisë ka njoftuar edhe ndryshime në parti.
