Një i plagosur me armë zjarri në fshatin Bolene të Vlorës alarmoi policinë e Vlorës mbrëmjen e djeshme.
Sipas informacioneve paraprake, i plagosuri është një bari, i cili dyshohet se është vetëplagosur me çifte, në rrethana ende për t'u sqaruar. Ngjarja ndodhi në stanet ku ai ushtronte aktivitetin e tij si bari, ndërsa ende nuk dihen rrethanat e plota të incidentit.
Menjëherë pas plagosjes, ai është transportuar me urgjencë në spitalin e Vlorës, ku ndodhet nën kujdesin e mjekëve.
Policia ka nisur hetimet për të zbardhur rrethanat e ngjarjes dhe për të sqaruar nëse kemi të bëjmë me vetëplagosje.
