Policia e Vlorës finalizoi operacionin e koduar “Në gjurmë”, ku u arrestua një prej autorëve të dyshuar të vrasjes së një 58-vjeçari, ngjarje që ndodhi në prill 2025 në qytetin e Vlorës.
I arrestuari është pjesëtar i një grupi kriminal që vepron në fushën e krimeve të rënda dhe kishte më parë dënime për armëmbajtje pa leje.
Operacioni u zhvillua nga Seksioni për Hetimin e Krimeve të Rënda në DVP Vlorë, në bashkëpunim me Drejtorinë e Forcës së Posaçme Operacionale dhe nën drejtimin e Prokurorisë së Vlorës.
Ngjarja ndodhi më 27 prill 2025 në lagjen “Hajro Çakërri”, ku u vra me armë zjarri shtetasi R. H., 58 vjeç. Gjykata ka vendosur arrest në burg për shtetasin K. B., 42 vjeç, i dyshuar si bashkëautor i vrasjes.
Policia vijon punën për kapjen e bashkëpunëtorëve të tjerë.
Materialet u referuan Prokurorisë për veprime të mëtejshme.
