Kronikë

NGJARJA E DITËS: Zbardhet DINAMIKA e vrasjes së 52-vjeçares në Pogradec. I dashuri e dhunoi, e vrau dhe e dogji brenda në banesë

Shkruar nga Liberale

NGJARJA E DITËS: Zbardhet DINAMIKA e vrasjes së 52-vjeçares

Mbi ngjarjen që tronditi sot opinionin publik, Prokuroria e Korçës lëshoi urdhër arresti për 37 vjeçarin Ilirjan Selmani, i cili u ndalua më herët nga policia si autor i dyshuar i vrasjes së 52 vjeçares, Kozeta Teço.
Gjatë marrjes në pyetje, Selmani ka mbajtur qëndrim mohues duke mos pranuar autorësinë për krimin, por policia dhe prokuroria e Korçës ka grumbulluar prova të mjaftueshme të cilat dokumentojnë të gjithë dinamikën nga momenti i kryerjes së krimit, deri në largimin e autorit nga banesa e 52 vjeçares.

Nga hetimet rezulton që autori i krimit, mbrëmjen e së dielës, ashtu si çdo natë tjetër, e kishte kaluar në shtëpinë e 52 vjeçares me të cilën kishte një lidhje prej disa vitesh. Dyshohet se mes çiftit të ketë pasur një grindje të çastit, e cila ka degraduar në dhunë fizike të Selmanit ndaj 52 vjeçares dhe në fund përfundoi me vrasjen e partneres dhe djegien e banesës.

Autori i krimit njihej nga policia si përdorues i lëndëve narkotike, për shkak të të cilave ai shpesh herë shfaqte simptoma depresioni. Nga ana tjetër edhe viktima kishte shfaqur kohët e fundit probleme të shëndetit mendor.

 

Liberale Newsroom

A duhet të ishin porositur më herët helikopterë për menaxhimin e zjarreve, në vend të investimit për satelitët “Albania 1” dhe “Albania2”

  • Po!
  • Jo!
SHQIPENGLISH