Një shtetas shqiptar i shpallur në kërkim ndërkombëtar është ekstraduar nga Italia në Shqipëri. E. C., alias E. Gj, 32 vjeç, ishte i dënuar me masën “arrest me burg” për veprën penale të ushtrimit të ndikimit të paligjshëm ndaj zyrtarëve publikë.
Ekstradimi u realizua në kuadër të operacionit “The Uanted”, në bashkëpunim mes Interpol Tiranës dhe Interpol Romës. Pas mbërritjes në atdhe, ai iu dorëzua Drejtorisë së Përgjithshme të Burgjeve.
Vijon bashkëpunimi me homologët për finalizimin e ekstradimeve të shtetasve të shpallur në kërkim ndërkombëtar, të kapur jashtë vendit.
Ekstradohet nga Italia një shtetas i kërkuar për veprën penale “Ushtrim i ndikimit të paligjshëm ndaj personave që ushtrojnë funksione publike”.
Në vijim të bashkëpunimit të ngushtë të specialistëve të Interpol Tiranës me homologët e Interpol Romës, në kuadër të operacionit “The Uanted”, u finalizua ekstradimi nga Italia në Shqipëri, i shtetasit E. C., alias E. Gj, 32 vjeç.
Shtetasi E. C., alias E. Gj, ishte i shpallur në kërkim ndërkombëtar, pasi në prill 2025, Gjykata e Posaçme e Shkallës së Parë për Korrupsionin dhe Krimin e Organizuar Tiranë, kishte vendosur masën e sigurisë “Arrest në burg” për veprën penale “Ushtrim i ndikimit të paligjshëm ndaj personave që ushtrojnë funksione publike”.
Në përfundim të procedurave në Komisariatin e Policisë Rinas, shtetasi E. C., alias E. Gj, iu dorëzua Drejtorisë së Përgjithshme të Burgjeve.
