Policia e Pogradecit, pas vrasjes së 52-vjeçares Kozeta Teço, ka shoqëruar një person, të identifikuar si Ilirjan Selmani i cili dyshohet se është autori i krimit.
Fillimisht policia ka dyshuar se vdekja ka ardhur nga asfiksia, por më vonë kanë qenë kamerat e sigurisë ato që kanë ndihmuar grupin të shkojë tek autori i dyshuar dhe dinamika ngjarjes.
Nga këqyrja e këtyre kamerave është parë i dyshuari, Selami të dalë nga rrugica rreth orës 05:30 minuta dhe të hedhë brenda kazanit të plehrave diçka që policia me vonë ka parë se ishin rrobat e tij.
Policia ka rikthyer Selmanin në vendin e ngjarjes për të treguar të gjithë dinamikën e vrasjes.
Fillimisht i shoqëruari në policinë e Pogradecit është futur nga grupi i hetimi brenda banesës e më pas i shoqëruar nga policia është çuar te kazanët ku janë gjetur rrobat e tij.
Burime nga hetimi bëjnë me dije se nuk përjashtohet pista e një krimi pasioni. Ndërkohë vijojnë hetimet për zbardhjen e plotë të ngjarjes.
