Vatra e zjarrit në malin e Dukatit vijon të mbetet aktive dhe problematike prej disa ditësh.
Për të përballuar situatën problematike, forcat zjarrfikëse kanë rinisur ndërhyrjen që në orët e para të mëngjesit të sotëm në zonë.
Ndërhyrja është përqendruar në zonën më problematike, ku situata paraqitet më e vështirë, me synim që flakët të mos avancojnë drejt Parkut Kombëtar të Llogarasë.
Ndërkohë, pritet të rinisë edhe ndërhyrja nga ajri për shuarjen e vatrave, të cilat kanë djegur një sipërfaqe të konsiderueshme pyjore.
