Një ngjarje e rëndë është shënuar këtë pasdite në Kukës, ku rreth orës 16:00 është gjetur një trup i pajetë pranë “Urës së Drinit të Zi”.
Sipas njoftimit paraprak të Policisë, viktima është mashkull, por identiteti i tij ende nuk është bërë i ditur.
Ekspertët dhe grupi hetimor ndodhen në vendngjarje, ndërsa nga këqyrja paraprake nuk janë konstatuar shenja dhune, duke lënë të hapura pistat hetimore për shkaqet e vdekjes.
Policia po vijon punën për identifikimin e viktimës dhe sqarimin e rrethanave të ngjarjes, ndërkohë që pritet përgjigjja e ekspertizës mjeko-ligjore.
