Seanca gjyqësore për dosjen “Plumbi i Artë” që ishte planifikuar të mbahej sot është shtyrë për në datën dy shtator.
Shkak për shtyrjen e seancës është bërë mungesa e avokatit Artan Simoni që mbron bashkëpunëtorin e drejtësisë Nuredin Dumani.
Të pandehurit e dosjes “Plumbi i Artë” akuzohen për disa vrasje, atentate të mbetur në tentativë dhe vjedhje me dhunë, të zbardhura pas dëshmisë së bashkëpunëtorit të drejtësisë Nuredin Dumani.
