Kryeministri Edi Rama e ka nisur mëngjesin e sotëm me një falënderim publik për të gjithë forcat në terren që po përballen me emergjencën e zjarreve në vend dhe më gjerë në rajonin e Mesdheut.

Përmes një postimi në rrjetet sociale, ai vlerëson përkushtimin e Forcave të Armatosura, Policisë së Shtetit, zjarrfikësve, ekipit të Urgjencës Kombëtare dhe Emergjencave Civile.

Rama veçon rastin e Agim Trocit, shefit të Policisë së Delvinës, të cilin e cilëson si shembull frymëzues për kurajën dhe sakrificën.

“Me një veçim plot admirim për shefin e policisë së Delvinës, Agim Troci, që shpëtoi jetë duke rrezikuar të tijën,” shkruan Rama, duke e cilësuar këtë akt si heroik.

Postimi shoqërohet me disa pamje nga operacionet në terren, ndërsa vendi po përballet me temperatura të larta dhe rrezik nga zjarret.

Postimi i plotë i Ramës:

MIRËMËNGJES ????

dhe me falënderimin me respekt për çdo efektiv të Forcave të Armatosura e të Policisë së Shtetit po ashtu, me një veçim plot admirim për shefin e policisë së Delvinës, Agim Troci që shpëtoi jetë duke rrezikuar të tijën, si edhe zjarrfikës, forca të Urgjencës Kombëtare e të Emergjencave Civile, të cilën janë në gatishmëri në këtë kohë të vështirë zjarresh në gjithë Europën Mesdhetare, ju uroj të diel të mbarë????