Një bllokadë e përkohshme është regjistruar në pikën kufitare Merdarë mes Kosovës dhe Serbisë, ku qendra kombëtare për menaxhimin e kufijve ka konfirmuar se Serbia ka bllokuar për pak orë rrugën në këtë zonë.
Megjithatë, pas disa orësh, bllokada është hequr dhe qarkullimi në këtë pikë kufitare është rikthyer normalisht në të dy drejtimet.
Në një njoftim zyrtar bëhet me dije se udhëtarët duhet të jenë të kujdesshëm gjatë lëvizjes për shkak të mundësisë së vonesave të lehta dhe për arsye të sigurisë.
Po ashtu, autoritetet kanë dhënë disa numra telefoni që udhëtarët mund t’i kontaktojnë pa pagesë për ndihmë apo për të marrë informacion gjatë kalimit në këtë pikë kufitare.
