Gjirokastra festoi përvjetorin e 20-të të përfshirjes në listën e pasurive të ruajtura nga UNESCO.
Festa u zhvillua kryesisht në zonën muzeale, ndërsa në qendër të saj ishte padyshim polifonia, e cila po ashtu ruhet si pasuri botërore.
Në qytetin e gurtë mundohen që polifoninë ta ruajnë e ta trashëgojnë ndër breza.
Aktiviteti u ndoq me interes edhe nga vizitorë të shumtë të cilët ndodhen në qytetin e gurtë në këtë periudhë.
Më pas, festa u zhvendos në skenën e madhe të kalasë së Gjirokastrës, ku pati një aktivitet artistik. Organizime të tilla do të vijojnë gjatë gjithë verës në qytetin e gurtë.
