Një ngjarje e rëndë ka ndodhur këtë të diel në qytetin e Vlorës, ku një 25-vjeçar, shtetasi M. Shaka, është plagosur me thikë pranë zemrës.
I riu ka mbërritur në spital në gjendje koshiente dhe është dërguar menjëherë në sallën e operacionit, ku po i nënshtrohet trajtimit mjekësor.
Sipas burimeve nga spitali, mjekët po bëjnë të pamundurën për të stabilizuar gjendjen e tij. Ende nuk dihen motivet e ngjarjes dhe rrethanat që çuan në plagosjen e 25-vjeçarit.
Ndërkohë, grupi hetimor ndodhet në vendngjarje dhe po punon për identifikimin e autorit dhe zbardhjen e plotë të ngjarjes.
Policia pritet të japë informacione të mëtejshme në vijim.
