Aktualitet

Përcillet sot në banesën e fundit efektivi i ndjerë NOVRUZ CENALIA, mbahen homazhe në Teatrin Bylis (Autori në arrati)

Shkruar nga Liberale

Përcillet sot në banesën e fundit efektivi i ndjerë NOVRUZ

Përcillet sot për në banesën e fundit efektivi i policisë së forcave “Shqiponja ” , 28 vjeçari Novruz Cenalia, i cili u vra dy ditë më parë në fshatin Baltëz, Fier. 

Ndërsa në hollin e Teatrit Bylis në Fier është vendosur arkmorti me trupin e pa jetë të efektivit të policisë ku do të kryhen homazhe nga familjarë, kolegë, qytetarë dhe autoritete për t’i dhënë lamtumirën e fundit.

Më pas arkmorti me trupin e tij do të përcillet në banesën e fundit në varrezat e fshatit Baltëz.

Kujtojmë se efektivi i policisë Novruz Cenalia  u vra dy ditë më parë në fshatin Baltëz pas një konflikti të çastit me 23-vjeçarin Azgan Mernica, i cili vijon të jetë në arrati.

Prej dy ditësh forcat e policisë, forcat speciale RENEA kanë vijuar kërkimet për gjetjen e autorit duke u shtrirë në disa qytete të jugut të vendit, pasi Mernica është i armatosur. 

Liberale Newsroom

Poll
SHQIPENGLISH