Policia e Korçës ka shpallur në kërkim një 41-vjeçar nga Librazhdi, i cili akuzohet se nuk ka kthyer një automjet të marrë me qira, sipas marrëveshjes me pronarin.
Ngjarja është raportuar më 25 qershor 2025 nga shtetasi A. A., 54 vjeç, i cili ka kallëzuar se i kishte dhënë me qira automjetin shtetasit R. D., 41 vjeç, por ky i fundit nuk ia ka kthyer në afatin e rënë dakord.
Specialistët për Hetimin e Krimeve të Komisariatit të Policisë Korçë kanë referuar materialet në Prokurori dhe kanë nisur procedurat për kapjen e të dyshuarit, si dhe për gjetjen e automjetit.
Policia vijon punën për zbardhjen e plotë të rastit dhe kapjen e personit në kërkim.
