Gjykata Kushtetuese ka refuzuar kërkesën e një grupi deputetësh të PD-së, për pezullimin e një ligji të miratuar së fundmi, që lidhet me çështje mjedisore. Deputetët pretendonin se ligji bie ndesh me Kushtetutën dhe marrëveshjet ndërkombëtare, por sipas Gjykatës, kjo nuk qëndron.
Në njoftimin zyrtar, Gjykata deklaron se ligji në fjalë është një ligj kuadër, i cili nuk sjell pasoja të drejtpërdrejta në fushën e mbrojtjes së mjedisit dhe, për pasojë, nuk cenon detyrimet ndërkombëtare të Shqipërisë në këtë fushë.
Vendimi përfundimtar i arsyetuar pritet të bëhet publik brenda afateve të përcaktuara nga ligji.
